గ్యాస్ అల్సర్ ని తగ్గించగల ఆహర ఔషదం
గ్యాస్ అల్సర్ తొ బాధపడేవాళ్ళకి అద్భుతమైన ఔషదం ఎలా తయరు చేసుకోవాలొ ఇక్కడ పోస్ట్ చేసాను.
క్రింద వీడియో లో ఎలా తయారుచేసుకోవాలో క్లియర్ గా చేసి చూపించాను.
కావలసిన పదార్ధాలు:
1. నువ్వులు
2. పాత బెల్లం
3. అల్లం
స్టవ్ ఆన్ చేసి ఒక బాండీ పెట్టుకొని అది కొంచెం హీట్ అవ్వగానే నువ్వులు వేసుకుని దోరగా వేయించుకోవాలి. వేగిన తరువాత స్టవ్ ఆఫ్ చేసేసి, చల్లారనివ్వాలి.
చల్లారిన నువ్వులేని మిక్సీ పట్టుకోవాలి, నువ్వులు మిక్సీ పట్టిన పొడిని, ఒక గాజు సీసా లో నిల్వ ఉంచుకోవాలి. నువ్వులు ఎన్ని గ్రాములో చెప్పలేదు ఏంటి అనుకుంటున్నారా, మీ అవసరాన్ని బట్టి మీరే ఒక పావు కిలో కానీ అర కిలో కానీ తీసుకోండి. పొడి గాజుసీసా లో నిల్వ చేసుకోండి.
ఇప్పుడు మందు ఎలా చెయ్యాలో చుడండి:
ఒక చిన్న రోలు తీసుకోండి , 1 అంగుళం అల్లం ముక్క పైన పెచ్చు తీసేసి, కడిగి, ఆ రోలు లో వెయ్యండి, ఆ అల్లం ముక్కని మెత్తగా దంచండి.
ఒకటిన్నర స్పూన్ల పాత బెల్లం పొడిని వెయ్యండి. వీలైనంత వరకు పాత బెల్లం వాడండి, పాత బెల్లం దొరకని పక్షం లో మామూలు బెల్లం వాడుకోవచ్చు. అల్లము బెల్లము కలిసేలాగా మేత గా నూరండి. అల్లం, బెల్లం బాగా కలిసాక, నువ్వులు పొడి ఒకటిన్నర స్పూన్ వేసి బాగా నూరండి.
మొత్తం కలిసిపోవాలి అలా నూరుకోండి.
రెండు ఉండలు లాగా చేసుకోండి.
ఏ రోజుకి ఆ రోజు తయారు చేసుకోవాలి ఈ ఉండలని.
పొద్దున్నే పరగడుపున అంటే బ్రష్ చేసిన తరువాత ఏమి తినకుండా, ఈ ఉండ ని తినాలి. మరల సాయంత్రం భోజనానికి గంట ముందు ఇంకో ఉండ తినాలి. పొద్దున చేసిన ఉండ సాయంత్రం వరకు నిల్వ ఉంటుంది. ఇవి తిన్న తరువాత గంటవరకు ఏమి తినకుండా ఉంటె బాగా పని చేస్తుంది.
ఒక వేళ ఇద్దరు తినవలసి వస్తే 2 అంగుళాల అల్లం, మూడు స్పూన్ల బెల్లం పొడి, మూడు స్పూన్ల నువ్వుల పొడి వేసి చేసుకొని నాలుగు ఉండలు చేసుకోండి.
40 రోజులు క్రమం తప్పకుండ తినండి. గ్యాస్ సమస్యే ఉండదు మీకు.
సందేహాలు ఏమైనా ఉంటె కామెంట్ చెయ్యండి.
No comments:
Post a Comment